UYNTV

پۇتبول دوستلۇق ئورنىتىپ، ھەمكارلىق، ئالاقە كۆۋرۈكى بەرپا قىلدى

تەھرىر:زۆھرە تۇرسۇن | كېلىش مەنبەسى:شىنجاڭ گېزىتى | ئېلان قىلغان ۋاقتى:28-07-2015 17:22

شىنجاڭ ‹‹ناخۇەن›› كوماندىسى بىلەن ئەنگلىيە شېففىيلىد بىرلەشمە كۇلۇب كوماندىسى دوستلۇق مۇسابىقىسى ئۆتكۈزدى

ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى شۆھرەت زاكىر مۇسابىقىدە توپ باشلاپ بەردى

   دۇڭ لياڭ خەۋەر قىلىدۇ: شىجاڭ داۋانچىڭ ‹‹ناخۇەن›› كوماندىسى 27 – ئىيۇل كەچتە ساھىبخانا مەيداندا ئالاھىدە رىقابەتچى ئەنگىلىيە شېففىيلىد بىرلەشمە كۇلۇب كوماندىسىنىڭ U19 زاپاس قوشۇنىنى كۈتۈۋالدى. ئىككى كوماندا ئەزالىرى ئەرگۇڭ تەنتەربىيە سارىيىدا توپ مەستانىلىرىنىڭ ھۇزۇرىغا بىر مەيدان كەسكىن، نادىر مۇسابىقە سۇندى. ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى شۆھرەت زاكىر مۇسابىقىدە توپ باشلاپ بەردى.

 

   ئاپتونوم رايونلۇق پارتكوم دائىمىي كومىتېتىنىڭ ئەزاسى، ئۈرۈمچى – سانجى پارتكومىنىڭ شۇجىسى، ئۈرۈمچى شەھەرلىك پارتكومنىڭ شۇجىسى جۈ خەيلۈن، ئاپتونوم رايوننىڭ مۇئاۋىن رەئىسى تيەن ۋېن شۇ كۈندىكى دوستلۇق مۇسابىقىسىنى كۆردى.

   ساھىبخانا كوماندا قۇرۇلغىنىغا ئەمدىلا بىر يېرىم يىل بولغان ئوتتۇراھال A دەرىجىلىك يېڭى قوشۇن، مېھمان كوماندا ئەنگلىيەدىكى 100 يىللىق ئۇزاق تارىخقا ئىگە كۇلۇبنىڭ كوماندىسى بولۇپ، ئاخىرىدا ناخۇەن كوماندىسى نۆلگە قارشى تۆت نەتىجە بىلەن غەلىبە قىلدى. نەتىجە ناھايىتى ياخشى بولسىمۇ، ئەمما ‹‹ناخۇەن›› كوماندىسىنىڭ سەركەردىسى لى جۈن مۇنداق قارىدى: ‹‹قارشى تەرەپنىڭ كوماندىسى ياشلاردىن تەشكىللەنگەن زاپاس قوشۇن ئىكەن، ياش توپچىلارنىڭ يېتىلىشىگە بەلگىلىك ۋاقىت كېتىدۇ. قارشى تەرەپ ئەزالىرىنىڭ يېشى كىچىك بولسىمۇ، ئەمما ئويناش تاكتىكىسى ناھايىتى يۇقىرى، رىتىمى تېز، تىپىك ئەنگلىيە پۇتبول ئۇسلۇبىغا ئىگە ئىكەن. مۇسابىقىگە بىزمۇ ياش ئەزالارنى سالدۇق، ئۇلارنىڭ بۇ مۇسابىقە ئارقىلىق قارشى تەرەپنىڭ ئارتۇقچىلىقىنى ئۆگىنىۋېلىشىنى ئۈمىد قىلىمىز››.

   مۇخبىرنىڭ ئىگىلىشىچە، بۇ ‹‹ناخۇەن›› كوماندىسىنىڭ قۇرۇلغاندىن بۇيان تۇنجى قېتىم خەلقئارالىق دوستلۇق مۇسابىقىسىگە قاتنىشىشى ئىكەن، شۇنىڭ بىلەن بىللە، 3 – نۆۋەتلىك ‹‹يىپەك يولى›› ئىقتىساد بەلبېغى شەھەرلەر ھەمكارلىق – تەرەققىيات مۇنبىرىدىكى يۈرۈشلۈك پائالىيەتلەرنىڭ بىرى ئىكەن. مۇسابىقىنى ۋاسىتە قىلىپ، ئۈرۈمچى شەھىرى بىلەن شېففىيلىد شەھىرى ئوتتۇرىسىدا مەدەنىيەت ئالماشتۇرۇش، ئىقتىسادقا ھەمتۈرتكە بولۇش كۆۋرۈكى بەرپا قىلىنىدىكەن.

خەلقئارا خەۋەرلىرى
سۈرەتلىك خەۋەرلەر
مۇناسىۋەتلىك ئۇلانمىلار تېخىمۇ كۆپ